|
Gästebuch |
1. Der Winter, der ist mir net z'wider,
Da freu i mi dengerscht* net schlecht.
(dennoch)
Wenn dicht falln die Flocken henieder.
Dös Schneibn*, dös is mir grad recht.
(schneien)
Und is dann das Land weiß umsponnen,
Für mi gibts besondere Wonnen.
|: Zwoa Brettl a gführiger Schnee, juchhe!
Dös is halt mei höchste Idee :|
2. Na ziag i gschwind an mei fesch Gwandl,
Setz d'Mützen recht keck übers Ohr,
Bind d'Hosen fest zua mit an Bandl
Und hol meine Schwartling* hervor.
(Skier)
Den Schnerfer*, den schweren, geschnüret;
(Rucksack)
Schi heil! und jetzt wird abmarschiert.
|: Zwoa Brettl a gführiger Schnee, juchhe!
Dös is halt mei höchste Idee :|
|
|
|
andere
Lieder |
3. In d'Berg hinein tuats mi halt ziagen,
Da hatsch i schön langsam auf d'Höh,
Da gspür i koa Plag, koane Mühen,
Koan Hunger, koa Durst tut ma weh.
Bevor i das Ziel mir errungen
Und Schnee und Eis trotzig bezwungen!
|: Zwoa Brettl a gführiger Schnee, juchhe!
Dös is halt mei höchste Idee :|
4. Und steh i na drobn auf da Spitzn,
Und schaug i rund um in der Welt,
Na ziag i voll Andacht mei Mützn:
A Pereat*, wem däs net gefällt
(nieder)
Voll Freud tut mir s'Herz überquellen,
Da tua ri an Juchschroa, an hellen:
|: Zwoa Brettl a gführiger Schnee, juchhe!
Dös is halt mei höchste Idee :|
|
|
|
KINDERSPIELE |
5. Und wenn na die Brettl so rennen
Auf glitzernder Bahn von der Höh,
Mei Liaba, dös muaß ma schon könna,
Sonst hauts di ganz damisch in Schnee!
Doch kannst amal fahren recht prächti,
Dann packt di die Leidenschaft mächti:
|: Zwoa Brettl a gführiger Schnee, juchhe!
Dös is halt mei höchste Idee :|
6. Doch dös steht scho fest ohne Zweifi,
Passieren kann da allerlei:
Fahrst nei in an Grabn wia da Teifi _
Und knackts is a Schwartling entzwei!
Da stehst na und schaugst allweil dümmer
Und hast in der Hand deine Trümmer:
|: Drei Brettl a gführiger Schnee, juchhe!
Da hast jetzt die höchste Idee :|
7. Doch sitz ma schön warm in der Hütten,
Es prasselt das Feuer im Herd,
Den dampfenden Tee in der Mitten
Und Speck und Brot, wias a si ghört!
Dann laßt die Gitarre erklingen,
Dem Winter ein Loblied zu singen:
|: Zwoa Brettl a gführiger Schnee, juchhe!
Dös is halt mei höchste Idee :|
8. Was wär ohne Brettl mei Leben?
Ja, angst wärs mir nacha und bang.
Mei Gut und Blut dad i drum geben,
Mei All's bleibn mei Leben lang.
Und ruft mich der Tod einst zum Gehen,
So soll auf mein Grabstein no stehen:
|: Zwoa Brettl a gführiger Schnee, juchhe!
Dös is halt sei höchste Idee ! :|
|
|
